'ನಾನೇಕೆ ಬರೆಯುತ್ತೇನೆ' ಕನ್ನಡದ ಪ್ರಸಿದ್ಧ ಲೇಖಕ ಎಸ್.ಎಲ್. ಭೈರಪ್ಪನವರ ಲೇಖನ ಹಾಗೂ ಭಾಷಣಗಳ ಸಂಕಲನ. ಕಾದಂಬರಿಕಾರರೆಂದೇ ಖ್ಯಾತಿಯ ಭೈರಪ್ಪನವರು ಇಲ್ಲಿ ವಿಮರ್ಶಕರಾಗಿಯೂ ಕಾಣಿಸುತ್ತಾರೆ. ಆಳವಾದ ಅಧ್ಯಯನ, ಸೂಕ್ಷ್ಮವಾದ ವಿಮರ್ಶಾ ದೃಷ್ಟಿ, ಸಾಹಿತ್ಯೇತರ ವಿಷಯಗಳ ಗಾಢವಾದ ಪರಿಚಯ ಈ ಲೇಖನಗಳಲ್ಲಿ ಮೈದುಂಬಿದೆ. ಪ್ರತಿಕ್ರಿಯೆಗಳ ರಹಸ್ಯ, ಲೇಖನಗಳ ಉದ್ದೇಶ, ಸಾಹಿತ್ಯ ವಿಮರ್ಶೆಯ ವಿವಿಧ ಸ್ವರೂಪ, ಸಾಹಿತ್ಯಕ್ಕೆ ಸಂಬಂಧಿಸಿದ ಇತರೆ ವಿಷಯಗಳ ಸಮಾಲೋಚನೆ- ಸಂಕಲನದ ವಸ್ತು. ಕೆಲವು ಕೃತಿಗಳ ವಿಮರ್ಶೆಯಲ್ಲಿಯೂ ಲೇಖಕರು ಮೂಲಭೂತವಾದ ವಿಚಾರಗಳನ್ನೂ ಚರ್ಚಿಸಿದ್ದಾರೆ.