ଓଡ଼ିଶାର ଲେଖିକାମାନଙ୍କ ଦ୍ୱାରା ରଚିତ ଉପନ୍ୟାସମାନଙ୍କରେ ସାଧାରଣତଃ ନାରୀ ହିଁ ମୁଖ୍ୟ ଚରିତ୍ର ହୋଇଥାନ୍ତି, କିନ୍ତୁ ବିଶିଷ୍ଟ ଲେଖିକା ସରୋଜିନୀ ସାହୁଙ୍କ 'ସ୍ୱପ୍ନ ଖୋଜାଳିମାନେ' ଉପନ୍ୟାସରେ ପୁରୁଷ ଚରିତ୍ରଙ୍କ ପ୍ରତି ସୂକ୍ଷ୍ମ ନିରୀକ୍ଷଣ ପାଠକମାନଙ୍କୁ ମୁଗ୍ଧ ଓ ବିସ୍ମୟାଭିଭୂତ କରିବ! ଜୀବନ ଖୋଜୁଥିବା ବୁଦ୍ଧିଜୀବୀମାନେ ଯେ ଜୀବନଠୁ ବହୁତ ଦୂରରେ ଏବଂ କ୍ଷୁଧା ତଥା ଦାରିଦ୍ର୍ୟ ଯେ କେବଳ ଦୈହିକ ବା ଆର୍ଥିକ ନୁହେଁ, ମାନସିକ ସ୍ତରରେ ମଧ୍ୟ ଥାଇପାରେ, ଏଇ ଉପଲବ୍ଧିରେ ପାଠକକୁ ପହଞ୍ଚାଇବାରେ ଲେଖିକାଙ୍କ ସଫଳତା ପ୍ରମାଣିତ!